IBIYOGRAFHI ABANYUNYWA
Cofa kwi-PHOTO ukuze ujonge.
IJaji uMongameli uJohn Hlophe
Justice Mbuyiseli Madlanga
Justice Mandisa Maya
UGqr Wallace Amos Mgoqi
Adv. Busisiwe Mkhwebane
IJaji uMongameli uDunstan Mlambo
Adv. Alan Nelson, SC
USekela-Jaji oyiNtloko uRaymond Zondo
KHUPHELA AMAPHEPHA
IMiqathango yeReferensi yePhaneli yoLuhlu olufutshane
Loading ...
Layisha kwakhona uxwebhu 
Vula kuthebhu entsha Umongameli uCyril Ramaphosa upapashe amagama abagqatswa abakulungeleyo ukuba yiJaji eyiNtloko yeRiphabhliki yoMzantsi Afrika elandelayo.
Kwingxelo ngoMvulo, uMongameli ubulele amalungu oluntu ngokusabela kwisimemo sakhe sokuthatha inxaxheba kwinkqubo yokonyulwa kweJaji eyiNtloko elandelayo.
“Le nkqubo yaqala ngomhla we-16 kweyoMsintsi ngowama-2021 xa uMongameli Ramaphosa wayehlaba ikhwelo kubemi boMzantsi Afrika ukuba bonyule abantu abaneziqinisekiso ezifanelekileyo kwesi sikhundla sibalulekileyo njengeNtloko yeeNkundla zoMzantsi Afrika. Esi simemo besijoliswe ekukhuthazeni ukwenziwa kwezinto elubala nokwenza ukuba uluntu luthathe inxaxheba,” yatsho i-Ofisi kaMongameli.
Inkqubo yokungeniswa ivalwe ezinzulwini zobusuku nge-01 Okthobha 2021.
“Ukusabela kwikhwelo lokuthatha inxaxheba koluntu, uluntu lwenze iziphakamiso eziyi-148 ezazinamagama angama-25. Abanye baba bantu baye babandakanyeka kwiingxelo ezingaphezulu kwesinye. Kula magama angamashumi amabini anesihlanu, basibhozo kuphela abatyunjiweyo abafikelele imilinganiselo njengoko kuchaziwe kwikhwelo likaMongameli,” yatsho i-Ofisi kaMongameli.
Amagama asibhozo alungele ukutyunjwa njengoko kuchaziwe kwiikhrayitheriya, ngolandelelwano lwealfabhethi:
- IJaji uMongameli uJohn Hlophe
- Justice Mbuyiseli Madlanga
- Justice Mandisa Maya
- UGqr Wallace Amos Mgoqi
- Adv. Busisiwe Mkhwebane
- IJaji uMongameli uDunstan Mlambo
- Adv. Alan Nelson, SC
- USekela-Jaji oyiNtloko uRaymond Zondo
Iingxelo zabantu abatyunjiweyo ziyafumaneka ku-www.thepresidency.gov.za ukuze zihlolwe luluntu.
Abemi boMzantsi Afrika ngoku bayamenywa ukuba bangenise ngokubhaliweyo naziphi na izichaso abanokuba nazo malunga nabo batyunjiweyo ngentsimbi yesi-5pm ngoLwesihlanu, umhla we-15 kweyeDwarha ngowama-2021.
IGqiza labaKhethayo, elichotshelwe nguJaji uNavanethem (Navi) Pillay, liya kuqwalasela izichaso ngaphambi kokuba lingenise uluhlu olufutshane lwamagama amathathu ukuya kwamahlanu kuMongameli.
Igqiza kufuneka linike uMongameli ingxelo ngolwesiHlanu, umhla wama-29 kuOkthobha 2021 kwaye iMigqaliselo yalo yokuSetyenziswa nayo iyafumaneka kwiwebhusayithi ye-Ofisi kaMongameli.