Intengiso
Isibhengezo – skrolela ezantsi
-
-
- Hayi andiwuxhasi lo Mthetho uYilwayo 9,112
- Ewe ndiyavuma 97
- Hayi ngokupheleleyo 192
-
ISebe loPhuhliso lwamaShishini amaNcinci lipapashe uMthetho osaYilwayo weLayisensi yoShishino wowama-2025, laze lacela uluntu ukuba luhlomle.
Lo Mthetho uYilwayo ujonge ukwazisa ngobhaliso lwesizwe lwamashishini onke asebenza kweli lizwe.
ISebe lezoRhwebo noShishino lithe lo Mthetho uYilwayo ujolise ekuphuculeni imithetho esele iphelelwe lixesha nokudala inkqubo efanayo apho onke amashishini abhalisa kwaye afumane iilayisensi koomasipala basekhaya, endaweni yoMthetho woShishino okhoyo we-1991.
ISebe liya kuqwalasela zonke iikhomenti phambi kokuba ligqibezele uMthetho oYilwayo.
Yiba nelizwi lakho – lungisa uMthetho oYilwayo. [IVALIWE-- ingxelo iyafumaneka]
isishwankathelo
Lo Mthetho usaYilwayo ngumthetho oyilwayo ophuma kwiSebe lezoRhwebo noShishino (i-DTI). Ijolise ekuphumezeni ubhaliso lwawo onke amashishini asebenza ngaphakathi elizweni kuwo omabini amacandelo asemthethweni nangekho sikweni. Oku kuya kufezekiswa ngamashishini kufuneka abhalise, kwaye afumane ilayisensi kumasipala wabo wengingqi. Lo Mthetho uYilwayo uthatha indawo yoMthetho woShishino wowe-1991 owawufuna ukuba amashishini anikezela ngokutya, amaziko ezempilo asebenza njengeendawo zokuphulula umzimba, okanye iindawo zolonwabo, ukuba anikwe imvume kwabasemagunyeni basekuhlaleni.
Kumthetho ocetywayo:
-
- iilayisensi zeshishini elitsha ziya kusebenza iminyaka emihlanu phambi kokuba zihlaziywe ngendlela ekuthiwa “yinkqubo elula”;
- inika amaziko amaninzi igunya lokuphonononga amashishini kunye neelayisensi zawo;
- abahloli baya kuba nakho ukuhlawulisa ishishini okanye ukuthimba iimpahla ukuba abaqhubi bafunyaniswe bechasa uMthetho oYilwayo okanye eminye imithetho efana nokuthengisa izinto zobuqhetseba.
- oogunyaziwe beelayisenisi kufuneka bakhuphe iilayisensi zoshishino phakathi kweentsuku ezingama-30 zesicelo;
- abasemagunyeni banokwandisa eli xesha ngeentsuku ezili-14 phantsi kweemeko ezithile.
- umqhubi kufuneka avelise ilayisenisi yakhe xa efunwa kumhloli okanye ajongane nesohlwayo.
Lo Mthetho uYilwayo ujonge ukubonelela ngenkqubo-sikhokelo engantsonkothanga, eququzelelayo yeenkqubo zokufaka izicelo zephepha-mvume ngokubonelela ngezithethe nemigangatho. Omnye umzamo kukukhuthaza ulawulo olufanelekileyo kunye nenkxaso.